Акты, издаваемые Виленскою комиссиею

Том 34. Акты относящіеся ко времени войны за Малороссію 1654-1667.

О томе

Издан в 1909 году

№ 278—1663 г. Августа 18. Заявленіе братьевъ Корытковъ объ обидахъ во время Московской войны отъ своихъ опекуновъ.

-304-

№ 278—1663 г. Августа 18.

Заявленіе братьевъ Корытковъ объ обидахъ во время Московской войны отъ своихъ опекуновъ.

1663, augusta 18 dnia.

Жаловали и оповедали земяне его кор. млсти воеводства Мстиславского панъ Янъ, панъ Филонъ, панъ Стефанъ, панъ Петръ и панъ Павелъ Корыткове на земянина гcпдарского воеводства Мстиславского пана Стефана Станкевича о то и таковымъ способомъ, штожъ в року минулом тисеча шестсотъ пятдесятъ четвертомъ, под час поступеня на панство его кор. млсти Цара Московского перед вынятемъ замку Мстиславского брат нашъ з матки рожоный, в летех старшых, небощык панъ Михал Королко, который по смерти небощыка отца нашего пана Станислава Корытки и зошлое з сего света родителки нашое пани Дороты Илиничовны, которые перед инкурсиею московскою у в одном року померли, а нас в сироцтве в летех малых позоставили, который брат нашъ старшый природный, в опеце маючы маетност рухомую по небощыках родичахъ нашых, взявшы нас, по розных мейсцах и до розных людей на службу пороздавал, а сам с тою маетностю всею рухомою посполу с паном Стефаном Станкевичомъ, у которого дочку панну Ганну Станкевичовну заручыл был, от того непрыятеля москвитина до Литовских краевъ в Лидзкий повет здорове свое уносил, где его млст панъ Станкекевичъ до дому своего, в Лидзким повете будучого, с тою маетностию всею рухомою запроводил, якожъ небощыкъ панъ Михал Королко брат нашъ тую маетност всю от веле до мала до рукъ

его млсти пана Стефана Станкевича дал, зреестровавшы, а сам до войска его кор. млсти вел. княз. Литовского на службу ехал до Инфлянтъ, в которой службе военной там от непрыятеля забитый зостал, а тая маетност наша пры пану Станкевичу зостала и до тых час зостает, то ест скрыня з шатами, до того цына, мед, сребро, перла, перстени золотые и шкатула с справами вечыстыми и грошми готовыми, обликгами на розных особъ належачые, так тежъ справы признаные в земстве Мстиславском от небощыка пана Ивана Королка родителце нашой на именю Бебровском коп четырыста, то ест лист орыинал и екстракт того листу, интромисыя енералская, до того зречене вливковым правом от его млсти пана Андрея Иллинича небощыку родичу нашому в петидесят копах заставным правом пущоного трех подданых в селе Бобровом, в воеводстве Мстиславском лежачом, так тежъ справы вечыстые от княжат их млстей уделных Мстиславских на тое

-305-

именне Бобровое служачое. квиты поборовые, процес на тогожъ пана Станкевича до книг земских Мстиславских занесеный о залите сеножатей мурожных на тамтой стороне и з гетое стороны берегу и о зопсоване межы, которой процес вынесены за позвы о то по пана Станкевича, и иншых справъ не мало в той шкатуле будучые, зо всею маетностю рухомою вышъ мененою и готовыми грошми, чого всего было на два тысячы зол. пол. пры ним пану Станкевичу зостало, чымъ всим его млст корыстует а то все на свой пожытокъ оборочает, и кгды мы, прыбывшы на сес час з войска его кор. млсти в сее воеводство Мстиславское до кондицыи свое его млст пана Станкевича сами и через розных их млстей панов прыятел своих не пооднокрот просилим, абы тую маетност и справы, што одно колвек отобрал от брата нашего, нам яко актором належытым вернул, теды его млст, роскорыстовавшысе в той маетности, нам вернут не хотел и не вернул, о што все з его млстю паном Станкевичом и потомством его млсти правом чынит хотечы, сюю жалобу в небытности книгъ земских до книгъ городских Мстиславъских дали записати.

Року {аз хер (1600)} шестдесят третего, мца августа осмнадцатого дня оповедано. Янъ Кулакъ наместник и лянтъвойтъ Мст.

Изъ акт. кн. Мстиславскаго уѣзднаго (гродскаго) суда за 1665 г. № 1/1417 л 144.

Акты, издаваемые Виленскою комиссіею для разбора древнихъ актовъ: Акты относящіеся ко времени войны за Малороссію1654-1667. Т.34, 1909

№ 278—1663 г. Августа 18. стр.304-305